2.ရှားစောင်းလက်ပတ်၏အသုံးဝင်ပုံများ

 ရှားစောင်းလက်ပတ်၏အသုံးဝင်ပုံများ(၂)

ရှားစောင်းလက်ပတ်ဟာဆိုရင် အသားအရည်အတွက်သာမက ဆံပင်ကိုပါ သန်စွမ်းကျန်းမာစေတဲ့အပြင်ကျန်းမာရေးအတွက်များစွာသော ကောင်းကျိုးတွေကိုပါ ရရှိစေနိုင်တဲ့ သဘာဝဆေးစွမ်းတစ်လက်ဖြစ်ပါတယ်

မျက်နှာလေးကြည်ပြီး Glowချင်သူတွေအတွက်

*******************************************

ဒိန်ချဉ်အစစ်လေး(၂)ဇွန်း၊ ပျားရည်က ၁ဇွန်း၊ သီးမွှေးငှက်ပျောသီးတစ်ခြမ်း၊ သံပုရာရည် သုံးစက်၊ ခရမ်းချဉ်သီးရည်၊ ရှားစောင်းလက်ပတ်နဲ့ နနွင်းမုန့်နည်းနည်းကို ရောသမမွှေပြီး လိမ်းပေးရုံနဲ့ မျက်နှာအသားအရည်ကို သိသိသာသာ ကောင်းမွန်စေမှာပါ

တင်းတိပ်နဲ့ ဝက်ခြံတွေအတွက်

*****************************

မျက်နှာမှာ တင်းတိပ်နဲ့ဝက်ခြံများတဲ့သူတွေအနေနဲ့ ရှားစောင်းလက်ပတ်ဂျယ်ကို ညအိပ်ရာဝင်ခါနီးတိုင်း မျက်နှာသစ်ပြီး လိမ်းကာ အိပ်သင့်ပါတယ်။ ဒါဟာအကောင်းဆုံးသော တင်းတိပ်နဲ့ ဝက်ခြံကို ကုသတဲ့ နည်းလမ်းဖြစ်ပါတယ်။ ဒီနည်းကို တစ်လလောက်လုပ်ရင် တင်းတိပ်၊ ဝက်ခြံတွေပါးပြီး မျက်နှာ ကြည်လင်သန့်ရှင်းလာမှာ ဖြစ်ပါတယ်။

ဆံပင်တွေထူပြီး ကောင်းအောင်

*****************************

ရှားစောင်းလက်ပတ်အနှစ်ကို သံလွင်ဆီ(၃)ဇွန်း၊ ပျားရည်(၂)ဇွန်းနဲ့ သမအောင်မွှေပြီး ဦးရေပြားကိုပါ နှိပ်နှယ်ပြီး ဆံပင်မှာ (၂)နာရီလောက်ပေါင်းပြီး လျှော်ချပေးရင် ဆံပင်ကျွတ်တာ၊ ဆံပင်ပါးတာတွေကို သက်သာစေပြီး ကျန်းမာသန်စွမ်းတဲ့ ဆံကေသာကို ရရှိပိုင်ဆိုင်စေမှာပါ

နေလောင်ပြီး အသားအရည်တွေညိုတာ ဒူးမဲ ချိုင်းမဲတာတွေအတွက်

****************************************

ရှားစောင်းလက်ပတ်၊ မုန့်ဖုတ်ဆိုဒါအနည်းငယ်နဲ့ သကြားညိုတို့ကို သမအောင်မွှေပြီး လိမ်းပေးမယ်ဆိုရင် ဆဲလ်သေတွေကို သဘာဝအလျောက်ကွာကျစေပြီး အသားအရည် ကြည်လင်လာစေမှာပါ

ချိုင်းချွေးနံ့ မနံအောင်

********************

ရှားစောင်းလက်ပတ်ကို ချိုင်းပေါ်မှာလိမ်းပြီး ၅မိနစ်လောက်ထားပါ။ ၅မိနစ်လောက်ထားပြီး ရေနဲ့ပြောင်စင်အောင် ရေဆေးကြောပါ။ တလလောက်ပုံမှန်လုပ်ပေးပါက အနံ့အသက်ကင်းစင်လာမှာ ဖြစ်ပါတယ်

#crd

#Chelmo