"ပလ္လင် ရှစ်ခန်း ရွှေနန်းကိုးဆောင်"

ရှေးမြန်မာဘုရင်တို့သည် အကြောင်းအရာပေါ်မူတည်၍ အသုံးပြုသည့် "ပလ္လင်" ကွာခြားသလို "ပလ္လင်"ထားရှိသည့် နေရာလည်းကွဲပြားခြားနားသည်။

(၁)

ပလ္လင်အမည်_သီဟာသနပလ္လင်

ခံသောအရုပ်_ခြင်္သေ့အရုပ်

ထုလုပ်သည့်သစ်သား_ယမနေသား

အသုံးပြုသည့်ကိစ္စရပ်_မင်းတို့ ပူဇော်ခံရာ နေ့စဉ်စည်းဝေးစုရုံးရာ

နေရာ_မြေနန်းပြသာဒ်

(၂)

ပလ္လင်အမည်_သီဟာသနပလ္လင်

ခံသောအရုပ်_ခြင်္သေ့အရုပ်

ထုလုပ်သည့်သစ်သား_ယမနေသား

အသုံးပြုသည့်ကိစ္စရပ်_တရားစီရင်တော်မူရာ၊ ဝန်ကြီးများ၊ စစ်သူကြီးများနှင့် အရေးကြီးသောကိစ္စများ ဆွေးနွေးရာ

နေရာ_လွှတ်တော်

(၃)

ပလ္လင်အမည်_ဘမရာသနပလ္လင်

ခံသောအရုပ်_ပိတုန်းရုပ်

ထုလုပ်သည့်သစ်သား_ကရဝေးသား

အသုံးပြုသည့်ကိစ္စရပ်_စက်တော်ခေါ်ရာ၊အတွင်းဝန်ကြီးများနှင့် ကိုယ်ရေးကိုယ်တာကိစ္စ သီးသန့်ဆွေးနွေးတိုင်ပင်ရာ

နေရာ_မှန်နန်းဆောင်

(၄)

ပလ္လင်အမည်_ပဒုမ္မာသနပလ္လင်

ခံသောအရုပ်_ပဒုမ္မာကြာပွင့်

ထုလုပ်သည့်သစ်သား_သရက်သား

အသုံးပြုသည့်ကိစ္စရပ်_မင်းမိန်းမတို့ကန်တော့ခံရာ

နေရာ_အနောက်ဇေတဝန်ဆောင်

(၅)

ပလ္လင်အမည်_ဟံသာသနပလ္လင်

ခံသောအရုပ်_ဟင်္သာရုပ်

ထုလုပ်သည့်သစ်သား_သင်္ကန်းသား

အသုံးပြုသည့်ကိစ္စရပ်_ဘုရားဝတ်ပြုရာ၊ မင်းမျိုးမင်းနွယ်၊ သံတမန်အဆင့်မြင့်ပုဂ္ဂိုလ်များကို လက်ခံတွေ့ဆုံရာ

နေရာ_အရှေ့ဇေတဝန်ဆောင်

(၆)

ပလ္လင်အမည်_ဂဇာသနပလ္လင်

ခံသောအရုပ်_ဆင်ရုပ်

ထုလုပ်သည့်သစ်သား_စကားသား

အသုံးပြုသည့်ကိစ္စရပ်_ရာထူးအတက်၊ အကျကို အမိန့်ထုတ်ပြန်ရာ

နေရာ_ဗြဲတိုက်

(၇)

ပလ္လင်အမည်_သင်္ခါသနပလ္လင်

ခံသောအရုပ်_ခရုသင်းရုပ်

ထုလုပ်သည့်သစ်သား_တောင်ပိန္နဲသား

အသုံးပြုသည့်ကိစ္စရပ်_မင်းတို့တရားစကားနာခံရာ

နေရာ_လေသာဆောင်

(၈)

ပလ္လင်အမည်_မိဂါသနပလ္လင်

ခံသောအရုပ်_သမင်ရုပ်

ထုလုပ်သည့်သစ်သား_ရေသဖန်းသား

အသုံးပြုသည့်ကိစ္စရပ်_ယုံကြည်ရသော ဝန်ကြီးများနှင့် တိုင်ပြည်ရေးကိစ္စများကို ဆွေးနွေးတော်မူရာ

နေရာ_တောင်စမုတ်ဆောင်

(၉)

ပလ္လင်အမည်_မယုရာသနပလ္လင်

ခံသောအရုပ်_ဥဒေါင်းရုပ်

ထုလုပ်သည့်သစ်သား_ပေါက်သား

အသုံးပြုသည့်ကိစ္စရပ်_ကန်တော့ပန်း သိမ်းရာ

နေရာ_မြောက်စမုတ်ဆောင်

"ပလ္လင်"ရှစ်မျိုးအား အထက်ပါအဆောင်များတွင် ထားရှိသည်။ "ခြင်္သေ့ရုပ်ခံ သီဟာသနပလ္လင်"မှာ မြေနန်းတော်နှင့် လွှတ်တော်တွင် တစ်ခုစီထားသဖြင့် "ပလ္လင် ရှစ်ခန်း ရွှေနန်းကိုးဆောင်" ဟူ၍ ခေါ်ဆိုသည်။